ඉතිං මං කොහොමත් දන්න කාලේ ඉඳන් ආදරේ අලි ඇත්තුන්ටය...ඒ මං ආසම කෙනාය.. ඒ ගොල්ලො ගම් වැදිලා අහිංසක මිනිස්සුන්ව පාගද්දි කේන්ති තමයි.. ඒත් ඒ දෙගොල්ලොම බලාගන්න බලධාරීන් කියලා නමට ඉන්න නිලධාරී්න් කොන්දක් ඇතිව වැඩ නොකරන නිසයි ඒ හැම දේම...
----------------------------------
ටිකක් විතර ඉතිහාස කතාවක්..
මම දළ පූට්ටු දරුවාට ආදරේ කරන්නේ අදක ඊයේක ඉඳන් නෙමෙයි.. ඒ එයාගේ දළ දෙක නිසා නෙමෙයි :) අන්ධ ඇස් නිසා.. ඒ කාලේ (2011) මට මගේ ඇස් දෙක ගැනත් දුක හිතුණ කාලයක්. ඇයි ඉතින් හොඳ පෙනීමක් නෑනේ... එන්න එන්නම දුර්වල වෙනවා. කණ්නාඩිවලල power එක වැඩි කරනවා කාලෙන් කාලෙට.. අන්ධ මිනිස්සු කොච්චරද? එක දවසක් මට මතකයි මගේ බුකි බිත්තියේම share කළා post එකක්.. ඇස් දන් දෙන.
"මට මේ ආත්මේ බෑනේ... ලබන ආත්මේ තමා කියලා"
අන්න ඒ කාලේ ඇස් අන්ධ ගහකට හේත්තු වෙලා ඉන්න මේ දළ පූට්ටුවාව මං දකිනවා...
හිතෙනවා...
මට මේ ඇස් දෙකම මෙහෙම පෙනිලා දුකෙන්.. ඇස් දෙකම නොපෙනෙ අය? එතකොට ඇස් නොපෙනෙන හරියකට කෑමක් හොයාගන්න බැරුව වැහැරෙන මේ වගේ අසරණයෝ?
https://www.youtube.com/watch?v=3URmoqGFwqc
ඉතිං එදා ඉඳන් මං ඒ අසරණකමට ආදරෙයි.
මිනිස්සු හැඟීම්බර වෙන්නේ තමන්ට සමීප දේවල් එක්ක. එක එක්කෙනාට එක එක විදියට..
-----------------------------------
හරි දළ පූට්ටුවාට පාංශු කූලය දීලා ඉවරයි... පශ්චාත් මරණ පරීක්ෂණයෙන් එළී වුණ දේවල් අහන්න බැරි තරම් නීරසයි.
දළ පූට්ටුවෝ..... ඔයා අතුරුදන් වුණ දා ඉඳන් ඔයාව දැන ගත්ත අය ඉන්නවා. ඔයාගේ දළ දෙක නිසා ඔයාව දන්න අය ඉන්නවා..අඩු ගානේ ඒ නිසා හරි ඒ මිනිස්සු ඔයාට ආදරෙයි. එහෙම හරි ආදරෙයි.
----------------------------------
තව දෙයක්..
******දළ පූට්ටුවාත්
******අනිත් වන අලිත්
******කරඬුව වඩම්මන ඇතාත්
******පෙරහැරේ නටවන අලි ඇත්තුත්
******පින්නවල ඉන්න ඒ සද්දන්ත පරම්පරාවත්
******සර්කස් පෙන්නන්න දස වද දෙන ඒ අසරණයිනුත්
ඔක්කොම එකයි....
ඉතිං අර කාලකන්නි දේශපාලනය හැම එකටම වගේ මේකටත් ගාවගෙන..
මොකා කොහොම කිව්වත් කවුරු හිටියත් අවුරුදු ගාණත් වුණේ මෙහෙම්ම තමා. තමන්ගේ මතය උලුප්පන මිනිස්සු ඉන්න රටක් මේක...අන්තිම ලැජ්ජයි බුකියේ මෙහෙම මරා ගනිද්දි...
තමන් හරි තමන්ගේ මතේ විතරයි හරි මිනිස්සු විතරයි ඉන්න ඔන කියන ආත්මාර්තකාමී සමාජෙක අර අසරණයින් ගැන බලන්න කෝ වෙලාවක්. නේද?
------------------------------------
මේ ඇත්තු සම්බන්ධව පරිසරවේදීන් දැනුයි කෑ ගහන්නේ කියන එකටනම් විරුද්ධයි. මේ දේවල් දැන් මිනිස්සු දැන ගත්තාට සෑහෙන කල් ඉඳලයි මේ මිනිස්සු වන සංරක්ෂණ දෙපාර්තමේන්තුවට මේ සම්බන්ධව දැනුම් දෙන්නේ..
----------------------------------
අන්තිමට,
මේ දළ පූට්ටුවා වගේම තවත් අය මරණවා. නිකමටවත් ඒ ගැන? නෑ නේද?
දළ පූට්ටුවා ප්රසිද්ධයි... ඉතින් අන්ධයා තවත් ප්රසිද්ධ වුණේ දළ දෙක නිසාමත් නෙමෙයි. ගමේ මිනිස්සු කියලා තියන විදියට එයා හරි අහිංසකයි..කරදරයක් නෑ.. එයා වෙනුවෙන් ඒ මිනිස්සුන්ගේ ඇහෙන් කඳුළක් වැටුණනම් හේතුව අන්න ඒකයි. ඉතිං දළ පූට්ටුවට මිනිස්සු ආදරේ එක එක විදියට නැතුව දළ දෙකක් හින්දා නෙමෙයි... එක් කෝනෙකින් බලන පටු මිනිස්සුන්ට ඒක හෙන ආතල් එකක්...
----------------------
පණ තියෙද්දි හිස කඳෙන් කැපුවා කිව්ව "මිනිස්සුන්ට''
උඹලට දළ පූට්ටුවා කවදාවත් සාප කරන්නේ නෑ...
එත් මේ ලෝකෙ මෙච්චර කල් තිබ්බෙත්
ඉස්සරහට තියෙන්නෙත්
මේ සොබා දහම් අම්මා නිසා....
*චින්නි*
